რაინდობა–1.

by Gueorgui Mardjanichvli on 2010 წლის 12 03, პარასკევი, 1:44-ზე

ძნელია თქმა იმისა გადარჩება საქართველო თუ არა, მაგრამ აქა-იქ გადარჩენილ ქართველებს (განსაკუთრებით ახალგაზრდებს) იქნებ გამოადგეს ესეც (მთარგმნელი) 

"რაინდი განსხვავდება ცხენოსნისაგან, რაინდობა განსხვავდება კავალერიისაგან. კავალერია არის იარაღი სამხედრო ნაწილის მნიშვნელობით რომელიც შექმნილია 

რაინდი

ქვეითებისა და არტილერიის მხარდამხარ საბრძოლველად. მთელი ისტორიის მანძილზე და XX საუკუნის შუა ხანებამდე არსებობდნენ მხედარი ცხენოსნები და კავალერია. ძველი დოკუმენტური ფილმები აჩვენებენ რომ 1939 წელს, მეორე მსოფლიო ომის დასაწყისში პოლონური კავალერია თავგანწირულად ებრძოდა გერმანელ დამპყრობლებს. თანამედროვე ჯარში ისევ არსებობს კავალერია...ცხენებისა და ცხენოსნების გარეშე; ისინი შეცვალეს ტანკებმა თუ ჯავშნოსანმა მანქანებმა. . ომის ისტორიკოსებმა,სხვათა შორის, გამოავლინეს შეტევის ტანკის შუა საუკუნეების ცხენოსნისათვის, კავალერისტისათვის დამახასიათებელი საერთო ნიშნები. 
ცნებებს "ცხენოსანი", "კავალერისტი", აქვთ ტექნიკური მნიშვნელობა : ცხენოსანმა იცის ცხენზე ჯდომა და ცხენის მართვა, ტარება. ყველას ან თითქმის ყველას შეუძლია ცხენოსნად,მხედრად გახდომა; მაგრამ ყველა ცხენოსანი და კავალერისტი არაა რაინდი. 
რაინდად გასახდომად საჭიროა რაინდად კურთხევა. 
ყველაზე მეტად კი რაინდს, სამხედროს, მეომრის კარგი თვისებების და უნარის გარდა უნდა ჰქონდეს სხვა თვისებებიც, მორალური თვისებები. 
რაინდის წინაპარი იყო რომაელი miles ( მრავლობითი-milites) და რაინდობის როგორც წოდების წინაპარი იყო რომაული militia. 

რაინდების დაბრუნება

შუა საუკუნეებში, რაინდობის შექმნის ხანაში ფართოდ გამოყენებული ეს სიტყვები მომდინარეობენ ზმნიდან militare,რაც ნიშნავს სამსახურს, რაინდს უნდა ემსახურა სახელმწიფოსთვის როგორც მეომარს, მაგრამ აგრეთვე როგორც ფუნქციონერს. სიტყვაში miles მუდამაა სამსახურის მნიშვნელობა. 
სიტყვა დიდი ხნის მანძილზე აღნიშნავდა ვასალს, ფეოდალის სამსახურში მდგომს. 
სიტყვამ miles/ რაინდი შეინარჩუნა მნიშვნელობა : 
ფეოდალის, მისი მეფის, ღმერთის, ქალბატონის, მანდილოსნის სამსახური ( მის მსახურ რაინდად ყოფნა, ამბობენ დღესაც). 
მოკლედ რაინდი იბრძვის, კარგი,კეთილი, კეთილშობილი საქმისთვის, სამართლისთვის და სიკეთისთვის. 
"პრინცესას განთავისუფლება" ნიშნავს სუსტის, საფრთხეში მყოფის, შეტევის ობიექტად ქცეულის და დატყვევებულის დაცვას. 
მაგრამ რაინდი არ იბრძვის სულერთია როგორ: 
მტრის პირისპირ მდგომმა მან უნდა დაიცვას წესები და ღირებულებები, უნდა მოიქცეს რაინდულად ! 
ანუ უნდა მოიქცეს ღირსეულად. 
ღირსება არის რაინდული იდეალის გულში. 
მაგრამ ცხოვრება რთულია და ყველა რაინდი არაა ესოდენ კარგი. ზოგი სიავეს,ბოროტებას სჩადის; ეს ზოგი მუხანათია, ვერაგია,მოძალადეა, მოღალატეა. რაინდობის წოდების წევრთა ცოდვაა ქედმაღლობის ცოდვა. 
დიდად საბედნიეროდ ზოგმა არარაინდმა იცის რაინდულად ქცევა. 
მაშ რა არის ცხადი? 
რაინდობა არის ცხენოსნობა, მხედრობა,მეომრობა ეთიკური მოთხოვნით, ღირსებაზე, სიმამაცეზე,ვაჟკაცობაზე, სამართლიანობაზე დაფუძნებულ ღირებულებათა ერთობლიობა. 
ესაა იდეალი რომელიც ზოგჯერ რეალობადაც ხდება
(გაგრძელება იქნება). 

შამილი, მისი ბრძანებით მისი ნუკერები იცავდნენ დაღესტანში X სზაუკუნეში აგებულ ქართულ მონასტერ დათუნას რომელიც რომანოვების განკარგულებით დაანგრიეს შამილის დამარცხების შემდეგ